HARDBIKE ei ua pròva esportiua que se realize en 4 dies e qu'a coma objectiu eth rèpte personau de finalizar aguestes tres etapes de duretat considerabla.

Era participacion ara mencionada pròva esportiua, poderà èster de forma individuau o ben per cobles, en tot poder èster aguestes mixtes, o unicaments formades per integrants deth madeish sèxe.

Pendent aguestes quate etapes, se preneràn tempsi de cada participaire coma element de seguretat e contraròtle de toti es corredors, e damb era intencion de poder assegurar tostemp a on se tròbe cadun des participaires e s'ei capacitat entà poder acabar cadua des etapes de forma complèta, e en conseqüéncia poder préner gessuda ara següenta etapa.

Se eth corredor, en bèra ua des etapes finalize dehòra deth periòde mercat pera organizacion, se permeterà que prengue era gessuda as autes etapes, mès en cap cas poderà èster considerat coma finisher dera pròva de forma complèta.

S'establissen uns tempsi de talh, anonciadi ath laguens dera informacion des etapes damb era intencion de qu'es participaires poguen establir es sues estratégies entara finalizacion dera pròva, atau coma entà poder garantir era sua seguretat e tanben era dera organizacion. Se bèth corredor depasse aguesti tempsi de talh, demorarà a compdar d'aqueth moment dehòra dera etapa (hèt que se l'informarà). Totun, coma se informe anterioraments, poderà préner gessuda ara següenta etapa.

HARDBIKE Ei mercada, mès totun, ei obligatòri eth GPS coma mecanisme entà evitar pèrtes o possibles errors indusidi pera pana de senhalizacion per part de tresaus pendent era pròva, causa qu'apoiridie condicionar ad aqueri corredors que non pòrten eth GPS.

Es tempsi prenudi damb intencion de conéisher quina ei era posicion des corredors, seràn facilitadi a posteriori a toti es corredors a trauès d'un "orde d'arribada", damb era intencion de que cadun d'eri sigue conscient deth tempsi qu'a agut de besonh entà realizar cadua des etapes, que se somaràn, damb era intencion d'auer un globau d'ores invertides entre es diferentes etapes.

Toti es itineraris son ciclables a 100% e s'an verificat en repetides escadences, açò non signifique que per cansanci o per tecniciana, eth corredor se tròbe damb bèra petita zòna que jos eth sòn jutjament sigue de besonh de superarla a pè.

En finalizar quinsevolh des etapes, era organizacion pòt sollicitar ath corredor que sigue eth sòn GPS a fin de corroborar qu'a seguit eth track de forma corrècta, e en conseqüéncia, ei valedor dera condicion de finisher dera pròva.


Eth participaire poderà escuélher era talha des obsequis, tostemp qu'era sua inscripcion sigue anteriora ath 19 de mai, de non èster atau, li calerà assumir qu'era organizacion li a calgut hèr ua estimacion des talhes, e que pòt èster que non sigue exactaments aquera qu'eth volie.

En apartat de recorregut, es participaires trobaràn es itineraris prepausadi, que pòden èster modificadi (parciaument o totaument, e tanben es dates proposades)per part dera organizacion se atau ac cre convenent, en tot apelar ara seguretat des pròpris corredors.


CATEGORIES


HARDBIKE a es següentes categories:

- Lumberjack Elite:  Participen en aguesta es que agen licencia elit o siguen menors de 30 ans. Quinsevolh persona que age mès de 30 ans, poderà participar en aguesta categoria s'ac decidís, se a licencia èlit, o ben ena sua categoria d'edat. NON PODERÀ PARTICIPAR ENES 2 CATEGORIES, CALERÀ ESCUELHER ERA CATEGORIA ENA INSCRIPCION.

- Lumberjane: Era categoria des hemnes individuau.

- Lumberjack 30: Com eth sòn nom indique, participen es corredors qu'agen entre 30 e 39 ans.

-Lumberjack 40: Com eth sòn nom indique, participen es corredors qu'agen entre 40 e 49 ans.

- Lumberjack 50: Com eth sòn nom indique, participen es corredors qu'agen entre 50 e 59 ans.

-Lumberjack 60: Com eth sòn nom indique, participen es corredors qu'agen entre 60 e 160 ans.

- Authentic lumberjack: Categoria especial ena quau participen aqueri que realizen totes es etapes vestidi damb texans e camisa.

- Two-person Team Men: Categoria parelhes òmes.

-Two-person Team Mixed: Categoria parelhes mixtes.

-Two-person Team Women: Categoria parelhes d'hèmnes.




CONDICIONS DE LOTJAMENT


Era 'organizacion facilite a trauès d'aguesta web, diferenti lotjaments oficiaus entà qu'es corredors agen diferentes opcions pròplèus a cadua des etapes. Es mencionadi lotjaments se les cau contractar de forma dirècta, a trauèrs des links que i a cap as sues pagines web.



CONDICIONS D'ANULLACION


Un còp eth corredor age realizat era sua inscripcion, arreceberà un corrèu de confirmacion dera madeisha, que li calerà sauvar per se i auesse quinsevolh causa. Ath corrèu facilitat, se li enviarà tota era informacion prealabla dera pròva, entà que d'aguesta manèra pogue conéisher es detalhs e tanben gerir eth sòn temps d'òci.

En cas de voler anullar era inscripcion, eth corredor li calerà saber qu'en tot depéner dera data i aurà ua quantitat o ua auta de devolucion:

Abans deth 19 de març: Devolucion d'un 70%.
Abans deth 19 d'abriu: Devolucion d'un 50%.
Abans deth 19 de mai: Devolucion d'un 30% .


S'eth corredor non pòt assistir e vò cambiar eth nòm deth participaire, li calerà meter-se eth contacte damb era organizacion entà poder procedir a hèr eth cambiament, qu'aurà un còst de 30€. Damb era intencion de poder garantir era talha des obsequis, aguest cambiament calerà que sigue anterior ath 10 de mai, de non èster atau, era organizacion non poderà garantir ath participaire era talha se aguesta càmbie. Tanben existís era possibilitat de passar era inscripcion ath següent an, en aguest cas, eth participaire pagarà ena edicion següenta, 50€ de despenses derivades deth cambiament.


Quinsevulh cambi ena inscripcion deth participaire, calerà formalizar-lo directament ath corrèu hardbike2022@gmail.com, indicant en enunciat se se tracte d'un cambi (Cambio inscripción "X") o se ei posposar era participacion (Posponer inscripción "X"). En aguest dusau cas, eth participaire a de saber que sonque se permet posposar en un an, non podent "eternizar" era participacion en reiterades edicions.


Fin finau, indicar que deuant d'ua lesion de gravetat qu'impossibilite era participacion, HARDBIKE hará era devolucion der import pagat (mens es despenses derivades dera madeisha, ei a díder 10€). En aguest sens, eth participant aurà d'enviar un correu electronic  a hardbike2022@gmail.com indicant en enunciat "Lesion participant "X", laguens deth madeish calerà adjúnher era informacion facilitada pes servicis medicaus (radiografies...). En cas de non poder justificar era lesion damb pròves, era organizacion non podrà hèr era devolucion, se tot ei corrècte, com se indique anteriorment, se harà era devolucion ath corredor dera totalitat dera sua inscripcion mens es 10€ de despenses derivades dera gestion d'inscripcions.


Com ja s'a indicat anteriorment enes caracteristiques dera pròva, HARDBIKE en cap de cas s'anularà, senon que s'adaptarà ara situacion qu'agegam en moment dera sua cellebracion, ei per açò qu'es condicions de cancellacion son es descrites laguens d'aguest punt.